Suknnem

Ago supurlea suknnea

Ghontterant mhojea ie

Bhitor tum ietna

Pakam fuloit ie

Tujea pakttea savllean

Mogachi jyot petoi

Svadik modur nadar

Bhitorlim bhavna zagoi

Svontontr varear uddun

Kiteak bexttench toktai?

Agnnant mhojea ievpak

Kiteak tum loztai?

Havn ek nirvasi

Tujea sangatak axelam

Kor mhaka dadoxi

Ekmude jivitak nirxelam

Tum ailem zalear

Jinn mhoji bodollteli

Eksuro prannicho jiv

Anandache bhuimer nachteli.