SAIKOLL CHOLOITANA

 

 

Iskolak tichea ghora samkara velean vetana

Ti mhoji vatt polleat rostear ubi astali

Mhoje saikolli danddear ti bostana

Urbean mhoje paim peddalancher, goti(1) choddtali

 

Donui hat saikolli fuddle gheeacher

Tichi kuddi vozon uzvea haticher

Kednai chuckun polle aptotalet polleancher

Kapin vaztali modem konn disot margacher

 

Kolejicho proves zallo amcho barrabor

Pain ghevn dhili bhouch novi skooter

Tika fatlean bosunk podli hat dorun kamaramcher

Break marlo tor ubar horddem mhoje fatticher

 

Kazar zalom sasupain dotik mottor dilem

Vhoddle khuxen boron steering hatan dorlem

Mottor choloitana sundorem  dusre bosker boslem

Adlem chepun-tenkun bosop hea mottoran sompoilem

 

Saikoll choloitana

Kuddichi veaiam’(2)zata

Saikoll choloitana

Kannant kuch-kuch ulounk melta

Saikoll choloitana

Vochot rav petrol kabar zatli oxi birant nasta

Lojechi gozal itkich

Subeij chott’ti gauli tor oklek devoun chollun vorchi podta

 

 

    Lino B. Dourado

(Utord’dekar-Kuwait)

                                       1)Speed  2)exercise