S U D D

(REVENGE)

Tigelo ek ‘phone’ mhollear

Gharchi dhottori-nolle altat

Tigeli ek chitt ailear

Kuznantleo boxeo-buddkule funtt’tat

Ti rasvoll⁽¹⁾ suvatanr⁽²⁾ gauli zalear

Mhoje sundoreche tonddar kalli kupam uddett’tat

Mudd’dom tinne veng marun chumb dhilear

Nidhche khudint chimtenni mhoje polle suzttat

Tigeli mageli ixttagot chalu astana

Avoin mauxi choli thaim soirik tharaili

Tinem apli premi bhavna⁽³⁾ ugtti khorche adinch

Olipt⁽⁴⁾ zaina tosli golleant logna sankli poddli

Thir moga bolidan khorche khatiruch

Ti mhakach lagun ankvar ravtta

Hanvem oneai khorunk na mhollearuch

Atmhotea⁽⁵⁾ kharteli mhonn sondex pavta

Tiche hea pronnoidruxeam⁽⁶⁾ vellean

Korench mog kudd’do mhonn somzun ailem mhaka

Mhagele pinzreant tisreak suvat na oxem tika sangil’lean

Mhoji sudd ghevpak aplech jinneak praioxchit⁽⁷⁾ gheta

Lino B. Dourado

1) Public 2) Places 3) Feelings 4) Separate

5) Suicide 6) Love scenes 7) Penance