XIDDKAVNI: 'Ranchadd Bangdde' kovita vachtana zori tor
tukha ruch eun'nn tuje
thonddantlean uddkam ailim tor,
hi kovita borovpi zababdari nhoim.
RANCHADD BANGDDE
Ghor montrik borich nusteachi ruch aili
Khitem khortolom, luttin bhitor sorlom bazarant
Saiba Bogos! Nusteak margai mhonn kosli
Ritea hathanni vochunk zaina zalem ghorant
Ponas rupeank
dhileat bangdde sov
Ghorkannichi boddboddi
akhaxvanni vhoddlean chalov
Borem zalem
pasiens aslolo sundonreacho ghov
Bail
mhoji lagli tagttin bangdde uzravpak
Meaw-meaw khorun ailem mazor boddkam khavpak
Tikhxem teflenchi koddi sangli ruchin khorpak
Don
bangddeank ranchadd masala kurkurit toll'pak
Donparche pavnni
ekak cholta toieari jevnnachi
Sovai ekak
bhitor sorlim bhurgim iskolachi
Thodeach vellan
auchit lutt zali sassu pai-maichi
Him anink
donparche vellaruch khiteak mhonn eunchi?
Dhuv khoxi zata avoi-bapui ailo zaitea tempan
Teflenchi koddi, ranchadd bangdde ghatle jevnna tattan
Zanvoi pois ravon polleta bukheache undir roddtat potan
Lino Bap. Dourado
(Utordd'dekar-Kuwait)