Protima
(Image)
Hello……Hello……!!!
Sundore, tuka kolovpa khatir fon
khela
Tujem chitr nigtench
sompoilam
Mhojea samkaruch asa tuji protima
Aikun ghe! Chitr koxem chitrailam
Lalin* tuje ontth tambdde keleat
Justuch rexmiche* tambdde
saddier sobttat
Amurko hanso mukhamolar
uzvaddaila
Hanstana pakhon* sarkele
dant zogzogtat
Kazolachea rongan asutti-paklli*
rongoilea
Lamb kens kamara sakun pavoileat
Kopalak hirvea rongacho
tiko dosoila
Bhonvoi-o* nove xoitin*
khatorleat
Gall tuje apolla porim rosrostat
Barikh noti nakpuddik bosoilea
Mosturi kanantlim
Amolik mottiam galleak
sirkaileant
Fokt tuje pittpittea
azul dolle
Zotnaien* bond korun chitraileat
Hanv dusrea choliam thaim uloitana
Motte dolle khorun pollovpache nakarleat.
Hello!!!! Hellooooooooooo???????
Lino B. Dourado
(Utord’dekar-Kuwait)
Lali-lipstick rexmi-silk
Pashani-marble asutti-paklli-eyelash/eyelid
Bhonvoi-eyebrow xoiti-style
Zotnaien-carefully