POROT KEN'NA ETT'LEM?

Sanj zali igorjichi ghantt vazli

Dev bogtti avoin amori suru kheli

Todea vellan dharachi ghantt'ti gazli

Dhar ugddun polleat ubi asa ek choli.

Avoin tor sangunk naka khelo voddlo bovall

Mhoje islean tichea lambdik dubavi vinchar

Vhoddli bhoin aplea hatthani dodoita kopal

Bap'pa, don 'peg' marun sogloch zala bezar

Hathak dorun tichea addli soukas bhitor

Sobit tiche azul dolle polloun suntlo zor

Poile nodreacho mog khoim asta boroch khor

Oxem aikol'lem sangtanna kallzacho dotor

Aili Filsu xezarn marli tika veng nibran

Ixttin moga-guttachi gauli zaitea tempan

Sogot polounk urlim khitem cholta tem salant

Filsucho pot'to vincharunk, choli pavil'li amche ghorant

Votai? Voch! Porot ken'na etlem, sang matxe volloun

Nikttich pettli moga-ponti vochunaka palloun

Ho ponel rikamo asa, ollem tujea hathant,polle cholloun

Zallant podil'lem bovxem khoxem dhium soddun?

Lino Bap. Dourado

(Utodd'dekar-Kuwait)