PAVSACHEA RATRI

Ti bosivelean dhenvtanach

Okosmat pavsan ghatli guri

Anink kosloch upai na zaun

Mhojea sotrient ogich ghusli.

Tondd varo martalo pavsacho

Tiche kuddik thonddai bostali

Lohu-lohu korun ti

Mhojea kuddichea ubhek apttouli.

Ttipi ttipi korun poddttele

Tea nitol pavsache thembe

Bizle kazuleachea uzvaddan

Odik sundor distale.

Akaxar porzoll’lim nazuk noketram

Tichea dolleant diso premachi kupam

Vareachea nettar haltalim zhaddachim panam

Bhitorlean fugar zatalim amchi kallzam

Bebbe-bebkamni vodlean kelem kantar

Zogllam-goddgoddean nettan marlo far

Zum-zumit varo amche bhettek ditalo ievkar

Hea oslea vellar giulo ami mogacho suskar.

Lino B. Dourado

(Utord’dekar-Kuwait)