OXO EK MOG
ASLO
Tujea modur onttancho chumb
mhojea pollear ditana
Tuje tea sobit nille dolleant
dukham kiteak?
Kazarachea adlea disa
novreak ros lavpak
xezarim ektavlim
Zedna tuji pali aili
tedna tujem kalliz
doddboddlem kiteak?
Mathem tem paim pasun
tujea mov-mov hat
mhojea angar bhonvtana
Nitoll narlachea
mhoji kudd tujea dukhanni
bizovli kiteak?
Tujea kallzan zal’lem tufan
somdira lharam von vhodd
Mhoje sukhachea vellar
dhuki vadoll kiteak?
Ekach agnnant ami vaddlim
vangdda nachlim-khevlim
utthlim-boslim
Ponn tujea hordde bhitor
mhojo guptim mog xiztolo
lipun dovorlo kiteak?
Lino B. Dourado