Mhoje Avoik Mavxi Na!

Fattlea hozar vorsam adim

Tunven osmitaiecho zolm ghetlolo

Porkem vidrup mon’xache hatantlean

Dukh piddapidd asa sonsloli

Tuka fokt kuznantli svat mhonn

Tujeo kori okmanacheo bakatxaio

Amche modlo tujo sangatt toddunk

Xezarche dusmanani foddleo rati

Gomtti tuji fugar korun

Nopoit korunk tuka sodhtale

Tuje niz put zagrut zavn

Rostear ievn zoitache bavtte ubhoile

Bharoti bhasanchea unchlea dorjear pavoili

Ghottneche atthve vollerint bhitor kaddli

Amchea kallzantli opekxa suvoll zali

Jiv dilo, ponn manachea zagear bosoili

Atam duxit darantlean bhitor sorun

Mhonntat Konknnik asa xezarchi mavxi

Hindu, Musolman, Kristavancho ekvott pollevn

Dusmanache hordd’deant vaztat nirdukaiecheo fottaxi

Lino B. Dourado