MONTREANCHIM NATALAM

Khella Montri zala Christmas fadar

Soglech toreche khell Goeant haddleat

Krixi Montri choddla vankddea maddar

Kunsvar vantt’tunk narl sovai dovorleat

Uzvaddachi porob, zai titli lait vapor

Bizlea montreancho ‘fuse’ khoim tori xenn’la

Natal gotto toiar korpak vorixtt rukh kator

Ran Montrean Akhil Goem spordha dovorlea.

Tandul, sakor, ghee hea vorsak ration dobrad

Vepar Montreanchea soire Natalank ghantar geleat

Pot bor kha nevreo, mandare, bibik, perrad

Duddvam Montrean goribamcheo chullio pettoileat

Modian’ ratri Misa uprant komra haloit nach nach

Poriotton Montrean avaz bondi horam choddoileant

Dansak boroch soro pievn motor choloit voch voch

Rostear kondd asat titleach Vahatuk Montrean puroileat

Natalanchea sumanan ganv gavanim zatleo karriavolli

Kormonnuk Montri fugddeo ghalun nachunk ietele

Dezembrachea ektis, vorsachea nimnnea tarker

‘Old man’ korun Ali Baba cheallis chorank ulpaitele

Lino B. Dourado

(Utord’dekar-Kuwait)