KOUNCHECHIM KANKNNAM

Vaddeant sad ghaltokoch kankonnkar

Cheddvam-baileo ubheo dharar

Su-se-gad kanknnam choddoita hatar

Bosun ghorache modle humbrear

Kounchechim kanknnam hatar astokoch

Cheddvam-bailanchi sobai vaddtali

Hokol baien chuddo ghaltokoch

Novreak pollovpak dis meztali

Tore-torecho kanknnamcho rong

Ostoreanchem mon ekdom bulgaitalem

Samballtoch avoiponnacho poilo gorb

Ramu kankonnkarachem giraik fultalem

Zolman ietokoch malgodem bhurgem

Xezarnnink apovn kanknnam ghaltalim

Mogall gorkarachea melelea moddear

Dukhest ghorkanni kanknnam foddtalim

Adhunik zala aicho kal

Hatak kanknnam ghatlelim disonant

Kankonnkarancher aila mottoch far

Mou-mou hat damunk mellonant

Lino B. Dourado