Hanv Montri Zalam Gha
Mhojea novea montrimonddolant asat cheallis subhagi
Nigtoch novo prasad ghetla konnuch na papi
Davean-uzvean pollovpi nhoi, sarkech nitt rosto cholpi
Ponn kednaim goroz podlearuch meza pondchean hat korpi
Bizle montri tumkam kednach kallokant dovorchona
Air condition choloit ravat bizle meter voir sorchona
Vahutuk montri sardina baxen bosint tumkam bhorchona
Goddie tikeatti dor vhaddtoli montreachea bolsak burak asona
Vikas montri teag kortolo xharantli borich udorgot korpak
Goir kaidean imaroti ubheo, thoddim flettam toiar montreak diupak
Poriotton(1) montri adtolo bhailo bhonvddekar hotelancho donddo vadovpak
Baina osleam sundoream koddlean AIDS pidda Goeant odik vistarvpak
Bholaikea montri samballtolo bholaiki Goenche porjechi
Sorkari hospitalant ojeap distelem gorddi na piddestanchi
Ghor montri rakonn kortolo dor ek Goenchea kuttumbachi
Daram ugttinch dovrun nhidat hea mukhar birant na choranchi
Krixi montri xetkamot korinastana bhorpur jevonn ditlo
Non-agricultural
land
Xikxonn montri Goemchem oxikxitponn(2) kobar korun jerul sompoitolo
Thoddeach mhoineamnt porot venchnnuko zatleo,fuddlo sorkar xikop naslolo
Ani Hanv Mukhel Montri nit mhoji asteli ekdom kodok-kor
Mhojem ritem aidon asa koslei kamank etna tacher poili nodor dovor
Thoddea zage rikami dovorleat, Jumbo Cabinet alpache todir pavlo tor
Rockdeach montri zage choddoitat, kiteak ami Ali Baba ani cheallis chor
Lino B. Dourado
1) Tourism 2) Illiteracy