Ek nhiall kovita rupan
 
 GOENKARAM MODEM EKVOTT NA?
 
Padri Jose Vazak Altaracho mann gaulo mhonnon
Sorgim Bap’pan Taka sanglem, mag ani meltelem
Goenche bhav-bhoinacho Taka khub mog aslelean
Tanem emkondant lastele atmeank bhettunk maglem
 
Khor ujeant lastele gorvist Goenkarank pollovn
Bhagevont Jose kallzak vhodd dukh zali
Zata zalear hea nixtur ujeantle salvar korunk
Tanem Bap’pa lagim khaltikaien vinonti keli
 
Utor dhil’lem mhonn Bap’pan Taka borem mhollem
Ekuch minute ditam fuddem godieal bond zatlem
Padri Josen Goenkarank vegoveg voir ievnk maglem
Goenkar kitlo sohokar divpi tem Taka sozmun ailem
 
Bollixt* asleleani voir ievpak apli goti* choddoili
Voir sortoleache dongeank dorun dusro ghot’tt veng mari
Voir sortat tankam voir ievnk dhiat Tanem bob marli
To nirxello* ekloi voir pavunk na, minute dhil’li sompli
 
Voir sortoleak patimbo* dhivcho 
Xikovnni mellta monisponnache pustokar 
Ponn Kristi Goenkar duxit* chintnacho
Amche sorbhovtoni asat ani melltat sabar
 
Goenkar apli bhas, sonvskrutai*, osmitai* 
Barrabor vorta jogantle sogle svater
Sonvsarantuch nhoi ponn norkant* pasun 
Addo ghalpi asat khoi dusreanche vatter
 
 
 Lino B. Dourado
 
Bollixt-Strong Goti-speed  Nirxello-disappointed
Patimbo-Support Duxit-polluted   Sonvskrutai-culture
Osmita-identity Norkant-Infernant