DUXIT

(Polluted)

Mandovi nodiche koddpar bosun

Hatantle chonne udkant xevttun

Barik nusteamcho khell polleun

Dhuvek mhoje ailem hansunk

Okasmat ek motem nustem ailem

Barik nustem poram fattik dhavlem

Mellta tankam khavunk laglem

Niragos por mhojem roddunk boslem

Tea motte nusteak marpak agro kelo mhaka

Monisponache jivitantui godtta, somzailem taka

Vhodd girest monis dakte gorib lokak pillun khata

Xrimont odik xrimont durboll to durbolluch urta

Polltodi vatten latari* ghevn ailo ek karvi

Goreak hains ghalun gorovpak laglo

Xantitaien axil’le lharam-udok melem korpi

Nustea porank kavpi kholnaik goreak xirkovlo

Girest desacho oteachar gorib desacher

Goribank pavunk dhinant unchle panvddencher

Nuste baxen xirkovchi nodor ghal jivitacher

Map borun votot oneai korinaka durbolleancher

Lino B. Dourado

Latari- Fishing rod