ADEUS
Kolejiche nisur panvdde dhevtana
Paim nisrun apttovchi asli khalak
Ochkit mhojo hat
tichea hatak mellun
Borich vattovli punn xirkovli mhojea golleak.
Tea
disak thavn ixttagotichi rom'pi rompun
Dongaim vagddak ximpit aslim
Rom'pik dhatu(1) ievn
kallzan ghusun
Jinn,
bikot(2) avhanank(3)
fuddo korit gelim.
Hindu-Khristi amcho dhorm
zori veg-vegllo
Munisponnachea dhormank ami muleam(4) dil'lo
Zat-katicho marg, khobor na konnem rochlo
Eka
mekak visvasxi ravunk soput ghetlo.
Natem(5)
amchem premi' sagaran(6) ufetanna
Ponov amcho sukhachea thoddir pavchea adinch
Dhongi(7)
somazan bandli niddukaichi bhint(8)
Kudoll gheun ustilo,
Zat-katicho porvott
Dhormacho khorun vegllochar,
Zobordostin kelo ixttagoticho xevott.
Achar(9)
manpi' somaz,
Dhormati(10)
prannicho zalo duspott
Adeus!!! Hea zolman nhoi tor,
Punorzolman(11)
jerul zatlo amcho ekvott.
Lino B. Dourado
Utord'dekar
1 roots 2 difficult 3 challenges
4 values 5 relation 6 ocean
7 hypocrite 8 walls
9 superstitious
10 secular 11 re-birth