75.  MOLBAILO DOU

Mogan asson borem, sukhi jivit khorem,

Xitollkaiechem varem, Kalzan asta purem,

Borea mogacho fou, amkam ditolo deu,

Fulam zatat mou, podon mollbailo dou,

Nodor amcher podon, sukhnim gelim uddon,

Nistem poita buddon, nirmon  ailem ghodon,

Udkache marun lhar, ugodlem mogachem dhar,

Mogacho goleant har, pois kor chintnacho bhar,

Fulam soboita bhag, mogan nivoita rag

Mogacho kalzak dhag, tosoch uronk tho mag

Mogan budlam kalliz, lagon dolleamchem viz

Mog tuzo kela niz, zalear puro feliz.