98. DOTHIK LAGON - Minguel Rod

Kitlim chedvam aiz, fulam sarkim sobon,

Boro tho vas tancho veta ubon,

Avoi bapui tancho lojen veta bagon,

Hem focot ghoddta dotik lagon

Maimpaiche bhirantin vaddon kitlem chedvam zalim odlim

Doth nam munn kazar zaunk dukani rodlim

Chintit avoi bapaik sangonk nastonam ganv ghoram sodlim

Aiz mevot tanche atin podlim

Thi doth gheina zalear, sang maka tum morot

Tum boro assot dudvani ghor borot

Lagot tor ek duens, gheta ti dhot fuim urot

Zaum oxem zaitech mavodea pavle porot

Soirik moddun thode ankvar raun sukon zale zorod

Thodeanche mateak podlem korod

Doth gheun thodeamchem ankvarponn pozisanvank lagon borod

Kazar zaun dotik roddtat chorod

Hea dothini cheddvamcho, fuddar pirdear kela

Hi doth gheun konn sorgar gela

Ozarni ghetli doth, tho upasani mela

Thor sangat dothini konn guirest zala

Kazar zatanam tor ixtta ozarani doth tum guetolo

Falem oklamcho pai tumvuim zatolo

Vaitt vo borem ghoddon tuca addleli doth tum khatolo

Tedna tuca utramcho mojea ugdass ietolo