85. BHURGIM VO BAULIM - M.BOYER

Kitem kitem dektat barik nodor marlear ami,

Kombi passun roddtta pilank aplea uklun velear kaulleanim

Kiteak kalliz nibor kelam zait atamchea maieanim

Tannim orphanage-im bhorleant aplea zolmolelea bhurgeanim

Kortat mhun hem oxem, bhavank anink bhoinank mhunonam kaim

Maim pai mhunche eka bhurgeak zaun assa sukhan borleli baim

Thuimsor nesop anink jevonn khann, soglem assam tea bhurgea thaim

Pun nam thuimsor tancho pai, anink nam thuimsor tanchi maim.....2

Maim paichean poi nezo bhurgim eksurim aslelim,

Pun him koxim poitat kai bhurgeank tea madrinim sambaulelim,

Thoddim jeanot nestat, thoddim astat uxear xinklelim,

Pun sogott bott dakoitat tim mhun bhurgim maim pai naslelim,

Aikotoch hem tannim, bhurgeanchea jivak tea zata hai,

Sopnant passun tim roddttat mhunon aplo maim pai khuim ghela kai,

Khorench hea sounsarant hea bhurgeank, meutat vostu jeo tankam zai,

Pun mevonam tankam maim, anink mevonam tankam pai....2

Igorz mat xinkoita tem bhavartan sothmandchem,

Bhurgeank lagon igorz maten bandun dilam zot ghou bailechem,

Thoddim bhurgeank dourun vetat lipounk khot patkachem,

Pun kotta igorjen livrar boroun urta not bhurgeachem,

Vaddon oslim bhurgim vhoddlim zatoch kazarachim,

Xerdavam sodlear mevonam navam bhurgeachea bapaichim,

Tednam kustar lagta sangonk follam mhun omkeach rukachim,

Tor bhurgim tim konnachim, ou baulim tim mennachim....2