78. BALKUS   - Jacinto Vaz

Kazar zaunk assa boro cholo,

Ankvar cholieank tho korta ulo,

Toklen tho uxer sarkoch kollo,

Ghor zaumvuim munxi rokdoch zalo.

Doth munchem gheina, kaiem gorem poina,

Ragarui zaina, zoddi kai na,

Okol khuimchi zaum, Novreacho rai ghanv,

Sangtam tachem naum., balkuso anv.

Barik zaum mottem, utor ditam

Lamb noko mottveam, mandun ghetam

Aum ekdom nitov, sodanch nahtam

Sumanant ek pautt kumsar zatam

Boumdaitam sadi, aum mojoch mali

Soirik thor zali, bolsam khali

Chupati konn na, sangonk hem tond na

Nid maca pod na, ekloch konn na

Cheddvani moji, gheiat khobor

Sogleani kalliz kelam nibor

Chintun hem soglem zata zobor

Moxibar mojea boslam mazor.

Mone zaum bherem, meuta tem khorem

dista tor borem, dhortam verem

Ghalinaca riskar, sodtam ho suskar

Polloun mojo rupkar, korat upkar.

Repeat Kazar zaunk...