82. BAHRAINKARACHEM LISSAUM - Alfred Rose

Amchea sezrek aslo eok uxear cholo

Sirvis korchea passot tho Bahrain gelo

Bahrain vochon tho ekdom feliz zalo

Panch vorsanim Goeam ailo

Novem ghor bandlem duddvanchea dhiran

Kitle ozar moddunk laglo or'ran

Sodanch bonvo taxin ou motoran

Aslo sukacheach bharan

Punn tin vorsanim sirvisecho kaddlo,

Ath paim koullun Bombaim euncho poddlo

Zodddla titlo poiso khospayeank moddlo,

Bomboi eun dukanim roddlo

Goeam gelo pun mevlinam chakri

Duddu nam zaun zaunk pavlo rinnkari

Ghor paunner poddon zalo bikari

Eok kott’techo bikari

Jivitar kernam sukti et somzonam

Tea velar kitem ghoddot tem gomonam

Pausacho purument zor tor korunk nam

Paus etoch roddon faidonam

Duddu nam zalear tum konnank naka,

Bahrainkarachem lissaum tuka maka

Zoddta tantlem samballunk visronaka

Ek diss upkarot tuka