KUVEITTANT KONKNNI EK-ANKI SPORDHA 2006

Kuveittant Konknni Ek-anki Spordha suru kelolo United Club of Utorda, Kuwait, panchve pavtt Konkni Ek-Anki Nattkanchi spordha 27 Janer, 2006, hea disa ghoddun haddtta.

He spordhent bhag ghevpak zankam khuxi asa tannim spordhechea nem'-kaideachim ani her lagu zavpi formam, hi spordha ghoddun haddpi somiti koddchena vhorun, 27 Dezember, 2005, meren vevosthit ritin bhorun haddun diunchem mhonn tannim uzvaddailole khobrent mhonntlam.

Novea-novea kolakarank machier ieunk ut'tejon divop, ho United Club of Utorda-cho mukhel hetu asa. Jea avoi-bapaink aplea bhurgeamni Konknni machier Konknnintlean gailolem zai, tannim 6364366 he ankddeacher fon korcho mhonn maglam. Odik mahite khatir Chequinho Fernandes hache thaim 6364366 vo Nicholas Rodrigues hache thaim 9732917 fon ankddeacher sompork sadhcho mhonn maglam.

(V.Ixtt: 3-12-2005)