|
Konknni
Akademi Somiti niuktint
rajki hostokxep naka: Talak
MODDGANV:
Goa Konknni Akademint up-odeox vo koslich podam nemtana, thoim rajki
hostokxep zanvk zaina, oxem sinema nirmate Rajendra Talakan mhonnllem.
Kal Moddganvam zal'lea eka suvalleant uloitana tannim adim Akademichem
odeoxpoduch sorkar tharaitalem, mat atam up-odeoxpod legit sorkar
tharanvk lagla. Fuddarak vangddi legit tharaitele. Dekhun ami he
prokriek virod korunk zai. Mhojea sinemak raxttria puroskar mell'llo.
Mat Goa Konknni Akademin mhaka ek ollichi porbechi chitt dhaddli
mhunn tannim khont ukttaili.
Akademint film korpa khatir je orj ail'le tacho khorch topaxi nastana
Akademint tankam poixe kaddun dile. Kaim zannamni unneant-unnea
poixeam bhitor filmam kaddun Akademiche poixe bolsant ghale. Hem
zanvk zaina. Akademicho vavr pardorxok asunk zai, oxem tannim mukhar
mhonnllem.
Jea prodexik sinemak raxttria molla voilo puroskar favo zata, taka
sorkaran 20 lakh rupia inam' mhonn divpachem tharail'lem. Mat apnnak
he poixe mellche nhoi mhonn kaim nirmateamnim addmellim haddlim.
Aiz ho puroskor apleak mell'lla. Faleam to dusrea konnank mellpacho
ani tankam te 20 lakh rupia mellpache. Punn tem tannim chintlench
na ani fokt apleak he poixe melltat mhonn tannim Rajy Chitrapott
Mohotsovak addmellim haddche iotn kele oxi khont Talakan uktaili.
(Sunaparant-achea upkaran, 28-11-2005)
|
RAJENDRA
TALAKACHIM VIDHANA GOA KONKNNI AKADEMI VIXIM DIXABHUL KORPI: PUNDOLIK
NAIK
PONNJI:
Moddganvchea Asmitai Protixttanache votin zal'lea sotkar suvalleant
Konknni film nirmate Rajendra Talakan Goa Konknni Akademi sombhondan
kaim vidhana keleant ti Akademi vixim tagelem adnean progott korpi
ani lokanchi dixabhul korpi asa oxi protikria Akademiche Odeox
Pundolik Naikan uzvaddail'lea potrokant veakt kelea.
Poilim akademiche odeoxpod sorkar tharaitalem atam up-odeoxpodui
sorkar tharavpak lagla, hem Xri Talak hanchem vidhan Akademichea
sonvidhanavixim adnean dakhovpi asa. Akademicho up-odeox serkar
tharaina tor Akademichi sorvsadharan somiti aplea modhlea eka
vangddeak tin vorsamkhatir up-odeox mhonn ritsor venchun kaddtta.
Akademin film korpakhatir je orz ail'le tacho khorch topaxi nastanam
Akademin tankam poixe kaddun dile, hem tagelem vidhan zababdarin
kel'lem na. Akademin 2002 vorsa jea chear video filmank orthik
adhar dil'lo, te obheas somiticher khasa Tajendra Talak, Wilmix
Mazarelo ani Felicio Cardoz hancho aspav also. Adv Udai Bhembre
ten'na Akademiche odeox axil'le. He somitiche xifaraxi voilean
sine nirmateank duddu dil'le. Uprant jen'na film nirmateamnim
apnnalo khorch vadil'leachem sangun choddavott poixe magle ten'na
Akademin ten'nache up-odeox Bhaveche odeoxetra khala ghoddoil'le
somitiche xifaraxi velean chearantlea don film nirmateank choddavot
orthik adar dil'lo. He somiticher Paresh Joshi, Pradip Talavlikar
ani Tomazinho Cardoz he vangddi axil'le. Hi prokria Rajendra Talak
axil'le somiten kel'li tech ritsar pod'dotin kel'li.
Akademicho vavr pardorxok asunk zai oxem Xri Talak mhonntat te
samkem khorem asa. Akademicho vavr tosoch asa. Ani hi pardorxokta
topaspakhatir sorkaran nagrikank kaidean mahiti hok dil'lo asa.
Jea suvalleant Xri Talakan Akademi vixim vidhana keleant to suvallo
Asmitai Protixttanan ghoddovn haddil'lo ani atam Asmitai Pratixttanache
odeox axil'le Adv Udai Bhembre he Akademiche sov vorsam odeox
axil'le. Xivai tin vorsanchea eka kalla khatir protixttanachea
viaspittavelean Xri Talak Akademi vixim binbuniadi svarupachim
vidhana korta tichi Akademik khont bhogta oxem Pundolik Naikan
potrokant ninnne kodden mhollam.
(Sunaparant-achea upkaran, 29-11-2005)
|
